NBA: Boston og Miami lönduðu sigrum

Aðeins tveir leikir fóru fram í NBA deildinni í körfubolta í Bandaríkjunum í gær. Boston hafði betur á heimavelli gegn Memphis, 98-80. Miami Heat lagði Toronto á heimavelli sínum 95-89.

Kevin Garnett skoraði 24 stig fyrir Boston og þetta var þriðji sigurleikur Boston í röð. Paul Pierce skoraði 21 stig fyrir Boston sem hefur unnið átta af síðustu níu leikjum sínum. Rudy Gay skoraði 21 stig fyrir Memphis sem hefur tapað sex af síðustu átta leikjum sínum.

LeBron James skoraði 30 stig fyrir Miami og Dwyane Wade skoraði 25. DeMar DeRozan var atkvæðamestur í liði Toronto með 25 stig.