Hallgrímur spilaði með Völsungi um jólin

Húsvíkingurinn Hallgrímur Jónasson, leikmaður SönderjyskE, skellti sér í grænu treyjuna um jólin og spilaði með Völsungi gegn Þór. Voru orðin ansi mörg ár síðan Hallgrímur spilaði með uppeldisfélaginu.

Landsliðsmaðurinn Hallgrímur náði í leiknum að spila með bróður sínum, Bjarka, sem er ungur og efnilegur spilari.

Hallgrímur er nýbúinn að skrifa undir þriggja ára samning við SönderjyskE. Hann sló í gegn á síðasta ári er hann skoraði tvö mörk með landsliðinu gegn Portúgal ytra.