Keflvíkingar sömdu við Selimovic

Knattspyrnudeild Keflavíkur hefur náð samningum við slóvenska miðjumanninn Denis Selimovic um að spila með liðinu út tímabilið sem hefst nú um helgina.

Selimovic er 32 ára gamall og getur einnig spilað sem varnarmaður. Hann lék með Álasundi í Noregi frá 2007 til 2009 og hefur auk þess spilað í Bosníu og heimalandinu Slóveníu.

Á síðasta tímabili spilaði hann slóvensku B-deildinni í höfuðborginni Ljubljana. Spilaði hann samtals 29 leiki og skoraði í þeim tvö mörk.

Þetta er fimmti leikmaðurinn sem Keflvíkingar fá í sínar raðir en þeir hafa einnig misst nokkra lykilmenn frá síðustu leiktíð, svo sem Guðjón Árna Antoníusson, Adam Larsson, Andra Stein Birgisson og Magnús Þóri Matthíasson.