Glitnir greiðir upp 173 milljarða lán

Glitnir hefur greitt upp að fullu eftirstöðvar skulda við Seðlabanka Lúxemborgar að upphæð 173 milljarðar króna. Þetta kemur fram í sameiginlegri yfirlýsingu sem Glitnir og Seðlabankinn gáfu út í dag. Með því er mikilvægum áfanga náð í endurskipulagningu dótturfélags Glitnis í Lúxemborg, segir í yfirlýsingu frá Glitni.

Í yfirlýsingu frá Glitni segir að í mars 2009 hafi endurskipulagningu dótturfélags Glitnis í Lúxemborg lokið með uppgjöri millibankaskulda og við innstæðueigendur. Þá hafi bankinn staðið eftir sem eini kröfuhafinn, með kröfu upp á rúmlega 1 milljarð evra, eða 173 milljarða íslenskra króna, sem tryggð var með veði í umtalsverðu eignasafni.