Frábær sigur gegn Ungverjum, 32-26

Íslendingar lögðu Ungverja með sex marka mun á heimsmeistaramótinu í handknattleik, 32-26 í kvöld. Þetta er í fyrsta sinn í sögunni sem Íslendingar leggja Evrópuþjóð í fyrsta leik á HM. Staðan var 14-11 í hálfleik. Aron Pálmarsson var markahæstur í liði Íslands með 8 mörk og Alexander Petersson skoraði 5.



Boltavaktin á Visir.is.

Björgvin Páll Gústavsson lék vel í marki Íslands og hann varði alls 13 skot.

„Þetta var bara þægilegur opnunarleikur," sagði Aron Pálmarsson í viðtali við Hörð Magnússon á Stöð 2 sport eftir 32-26 sigur Íslands gegn Ungverjum á heimsmeistaramótinu í handbolta í Svíþjóð. Aron fór á kostum og skoraði alls 8 mörk.

„Við hefðum alveg getað klárað þá í byrjun síðari hálfleiks og við þurfum bara að læra af þeim mistökum sem við gerðum," sagði Aron en hann var valinn maður leiksins.

Leiknum var lýst beint á Boltavakt Vísis og Fréttablaðsins. Lýsinguna má lesahér.

Ísland-Ungverjaland 32-26 (14-11)



Mörk Íslands (Skot): Aron Pálmarsson 8 (11), Alexander Petersson 5 (8), Arnór Atlason 4 (5), Guðjón Valur Sigurðsson 4 (8), Ólafur Stefánsson 4/1 (10/1), Róbert Gunnarsson 3 (3), Ingimundur Ingimundarson 2 (4), Þórir Ólafsson 1 (1), Snorri Steinn Guðjónsson 1/1 (5/1), Ásgeir Örn Hallgrímsson 0 (1), Kári Kristjánsson 0 (1).

Varin skot: Björgvin Páll Gústavsson 13/1 (39/5, 33%)

Hraðaupphlaupsmörk: 9 (Ingimundur 2, Guðjón 2, Alexander 2, Arnór 2, Aron)

Fiskuð víti: 2 (Ólafur, Snorri Steinn)

Brottvísanir: 8 mínútur.

Mörk Ungverja (Skot): Tamás Mocsai 5/3 (9/4), Péter Gylyás 4 (4), Máté Lékai 4 (7), Gergely Harsányi 2/1 (2/1), Szabolcs Törö 2 (2), Szabolcs Zubai 2 (2), Gyula Gál 2 (4), Kornél Nagy 2 (4), Ferenc Ilyes 2 (5), Gergö Iváncsik 1 (2)

Varin skot: Nandor Fazekas 6 (17/2, 35%), Roland Mikler 10 (31, 32%)

Hraðaupphlaupsmörk: 8 (Gylyás 3, Törö 2, Ilyes, Mocsai, Zubai)

Fiskuð víti: 5 (Törö, Nagy, Gylyásm, Scuch, Lékai)

Brottvísanir: 10 mínútur.