FME uppfyllir ekki gæðakröfur

Nokkuð vantar upp á að Fjármálaeftirlitið uppfylli alþjóðalegar gæðakröfur, samkvæmt úttekt sérfræðings Alþjóðagjaldeyrissjóðsins frá því í mars og apríl á þessu ári.

Sérfræðingur á vegum Alþjóðagjaldeyrissjóðsins framkvæmdi athugun á starfsemi fjármálaeftirlitsins á grundvelli grunnreglna um skilvirkt bankaeftirlit í mars og apríl á þessu ári. Samkvæmt þessari athugun á FME enn langt í land með stofnunin uppfylli kröfurnar, sem taka til 25 staðla um lágmarkseftirlit með bankastarfsemi.

Þegar hefur verið sett saman aðgerðaráætlun innan FME miðar að því að laga það sem ekki er í lagi, að því er fram kom í ræðu Gunnars Andersen, forstjóra FME, á ársfundi FME fyrr í dag.

Í ræðu Gunnars kom fram að FME hefur þegar vísað 77 málum til frekari rannsóknar hjá embætti sérstaks saksóknara auk þess sem tugum mála hefur verið lokið með sektum eða öðrum leiðum.

Gunnar sagði enn fremur að langan tíma myndi taka að endurreisa trúverðugleika FME eftir hrun fjármálakerfisins og þá atburði sem fylgt hafa í kjölfarið. Í alþjóðlegu samhengi þyrfti stofnunin að bæta ýmsa þætti.