Rúnar: Aldrei spurning eftir annað markið

Rúnar Kristinsson, þjálfari KR, sagðist aldrei hafa verið í rónni fyrr en KR komst í 0-2 á móti Stjörnunni en KR vann leik liðanna í Valitor-bikarnum, 0-3.

"Þegar leið á leikinn var þetta öruggt. Þeir eru hættulegir í föstum leikatriðum og gerðu okkur erfit fyrir. Þegar við skorum gott mark þá fara þeir framar og bjóða okkur upp á góðar skyndisóknir. Við skorum úr einni slíkri og eftir það var þetta aldrei spurning," sagði Rúnar en hans menn hefðu hæglega getað skorað fleiri mörk í fyrri hálfleik miðað við færin sem þeir fengu.

"Við áttum fín færi til að komast í væna stöðu. Þeir fengu líka færi en staðan í hálfleik var réttlátt. 1-0 er ekki mikil forystu og ég var aldrei rólegur í þeirri stöðu," sagði Rúnar sem fagnaði því að ná sigri á "teppinu".

"Við höfum aldrei tapað þó svo við höfum ekki unnið og á venjulegu grasi unnum við alltaf. Vonandi erum við að snúa genginu við á teppinu," sagði Rúnar sem er feginn að vera búinn með leikina á gervigrasinu.