Fær ekki vinnu eftir háskólanám

Aldrei hefur gengið eins illa fyrir nýútskrifaða háskólanema í Danmörku að fá vinnu. Þetta kom fram í frétt MetroXpressen í gær.

Vísað er í könnun fagfélagsins Djøf, þar sem segir að ári eftir útskrift hafi 40 prósent útskrifaðra úr lögfræði, hagfræði, stjórnun og kennslufræðum enn ekki fengið vinnu.

Hátt í 1.500 nýútskrifaðir meðlimir í Djøf eru nú án atvinnu, sem er það mesta sem sést hefur í sögu félagsins.

Forsvarsmenn Djøf óttast að tapa hæfileikafólki og kalla eftir aðgerðum frá stjórnvöldum.- þj