Feitir bitar á lausu

Þó svo knattspyrnutímabilinu sé formlega lokið er vinnu forráðamanna félaganna hvergi nærri lokið. Nú hefjast þeir handa við að endursemja við lykilmenn og reyna við aðra leikmenn sem eru á lausu. Keflavík og Fylkir á þess utan eftir að ráða þjálfara en bæði lið eiga fjöda leikmanna sem eru að klára samning.

Hjá Íslandsmeisturum KR vekur helst athygli að Kjartan Henry Finnbogason og Baldur Sigurðsson séu með lausan samning. Líklegt verður samt að teljast að þeir framlengi við meistarana enda líst því yfir að þeir vilji vera þar áfram. Aftur á móti er óvissa með framtíð Gunnars Arnar Jónssonar sem gæti söðlað um.

Margir af eldri leikmönnum FH eru að klára samning og það kemur væntanlega í hlut þjálfarans, Heimis Guðjónssonar, að ákveða hvaða leikmönnum hann vilji halda. Atli Guðnason er einnig að klára sinn samning en líklegt er að hann framlengi við FH.

Eyjamenn þurfa að skoða útlendingamálin sín eins og svo oft áður. Albert Sævarsson markvörður er þess utan samningslaus og ekki líklegt að hann fái nýjan samning.

Stjarnan þarf að skoða nokkra samninga en ólíklegt er að þeir missi einhverja af þeim sem eru að klára samning. Danirnir verða þess utan líklega áfram.

Feitasti bitinn á markaðnum er líklega Blikinn Kristinn Steindórsson. Hann hefur ekki viljað gefa það hreint út að hann ætli sér að endursemja við Blika. Vitað er að stóru liðin - KR og FH - horfa bæði til Kristins enda einn af betri leikmönnum deildarinnar. Verður áhugavert að sjá hvað Kristinn gerir.

Valur var í góðum málum með sín samningamál og aðeins tveir leikmenn að klára samning. Matthías Guðmundsson verður væntanlega áfram hjá sínu uppeldisfélagi en heyrst hefur að Jón Vilhelm Ákason ætli heim upp á Akranes. Þó svo þeir tveir séu með lausan samning er stjórn knattspyrnudeidlar að endursemja við alla leikmenn þannig að það er talsverð vinna eftir á Hlíðarenda.

Keflvíkingar eru í frekar erfiðum málum. Án þjálfara og flestir lykilmanna liðsins eru að klára sín samning. Ekki er ólíklegt að einhver lið muni reyna að kroppa í sterka leikmenn eins og Guðmund Steinarsson og Guðjón Árna Antoníusson.

Fylkir er einnig án þjálfara og verður eitthvað að gera hjá forráðamönnum félagsins næstu daga.

Framarar og Grindvíkingar eru í fínum málum en heyrst hefur að einhver félög ætli sér að bera víurnar í Óskar Pétursson, markvörð Grindavíkur, en hann sló í gegn í sumar og ku vera að hugsa sinn gang.

Flestir leikmanna Þórs eru samningsbundnir en þeir sem stóðu sig vel í sumar fá hugsanlega einhver tilboð og spurning hvað gerist á Akureyri. Hjá Víkingum ber það helst til tíðinda að varnarmaðurinn sterki, Mark Rutgers, er samningslaus.

Upplýsingar um stöðu samninga eru fengnar af heimasíðu KSÍ. Birt með fyrirvara þar sem einhverjir leikmenn gætu verið búnir að framlengja við sín félög þó svo það komi ekki fram á ksi.is.

KR

Baldur Sigurðsson

Gunnar Örn Jónsson

Kjartan Henry Finnbogason

FH

Atli Guðnason

Ásgeir Gunnar Ásgeirsson

Bjarki Gunnlaugsson

Freyr Bjarnason

Guðmundur Sævarsson

Ólafur Páll Snorrason

Viktor Örn Guðmundsson

ÍBV

Albert Sævarsson

Aaron Spear (var í láni)

Denis Sytnik

Ian David Jeffs

Matt Garner

Rasmus Christiansen

Stjarnan

Atli Jóhannsson

Bjarki Páll Eysteinsson

Hafsteinn Rúnar Helgason

Jesper Jensen

Nikolaj Pedersen

Ólafur Karl Finsen

Tryggvi Sveinn Bjarnason

Þorvaldur Árnason (hættur)

Valur (er að endursemja við leikm.)

Matthías Guðmundsson

Jón Vilhelm Ákason

Sigurbjörn Hreiðarsson (hættur)

Breiðablik

Kári Ársælsson

Kristinn Steindórsson

Þórður Steinar Hreiðarsson

Dylan McAllister

Fylkir

Albert Brynjar Ingason

Ásgeir Börkur Ásgeirsson

Baldur Bett (líklega hættur)

Fjalar Þorgeirsson

Gylfi Einarsson (hættur)

Kjartan Ágúst Breiðdal

Valur Fannar Gíslason

Keflavík

Adam Larsson

Andri Steinn Birgisson

Goran Jovanovski

Grétar Ólafur Hjartarson

Guðjón Árni Antoníusson

Guðmundur Steinarsson

Magnús Sverrir Þorsteinsson

Magnús Þórir Matthíasson

Fram

Arnar Gunnlaugsson

Halldór Hermann Jónsson

Hjálmar Þórarinsson

Ívar Björnsson

Tómas Leifsson

Grindavík

Haukur Ingi Guðnason

Matthías Örn Friðriksson

Þór

Alksandar Linta

Clark Keltie

David Disztl

Janez Vrenko

Víkingur

Halldór Smári Sigurðsson

Mark Rutgers

ÍA

Guðjón Heiðar Sveinsson

Guðmundur Böðvar Guðjónsson

Heimir Einarsson

Hjörtur Júlíus Hjartarson

Stefán Þór Þórðarson

Selfoss

Andri Freyr Björnsson

Arilíus Marteinsson

Sævar Þór Gíslason (hættur)