Rekstur gamla Landsbankans kostar milljarða

Rekstrarkostnaður gamla Landsbankans hefur numið tæpum 5,6 milljörðum króna á árinu, samkvæmt uppgjöri sem var kynnt á fundi slitastjórnar bankans með kröfuhöfum í dag. Mestur var kostnaðurinn á öðrum ársfjórðungi, eða rétt rúmir 2 milljarðar króna en hann lækkaði um 217 milljónir á þriðja ársfjórðungi.

Stærstur kosntðaur er vegna launa og launatengdra gjalda, en hann hefur numið 1600 milljónum króna það sem af er árinu. Innlendur lögfræðikostnaður hefur numið 558 milljónum  en erlendur lögfræðikostnaður hefur numið 835 milljónum. Í innlendum lögfræðikostnaði felast meðal annars greiðslur til þeirra sem sitja í skilanefnd og slitastjórn.