Haukar slógu Njarðvíkinga úr leik í bikarnum

Tveir leikir fóru fram í 8-liða úrslitum Powerade-bikarkeppni karla í kvöld en þá tryggðu Haukar og Tindastóll sér sæti í undanúrslitum keppninnar.

Haukar lögðu Njarðvíkinga á heimavelli sínum, 98-84. Njarðvíkingar byrjuðu betur en Haukar spiluðu vel í öðrum leikhluta og höfðu forystu eftir fyrri hálfleik, 46-43.

Haukar gáfu ekkert eftir í síðari hálfleik og fögnuðu að lokum góðum fjórtán stiga sigri.

Semaj Inge átti stórleik í liði Hauka og var með þrefalda tvennu - átján stig, fjórtán fráköst og fjórtán stoðsendingar. Gerald Robinson skoraði 27 stig og var með níu fráköst.

Hjá Njarðvík var Christopher Smith með 36 stig, tólf fráköst og fjögur varin skot. Magnús Þór Gunnarsson kom næstur með fimmtán stig.

Tindastóll vann auðveldan sigur á Skallagrími á heimavelli, 72-48, og þá vann KR sigur á Fjölni fyrr í dag.

Grindavík og Laugdælir eigast við í síðustu viðureign fjórðungsúrslitanna annað kvöld.

Úrslit dagsins:

Haukar-Njarðvík 98-84

Haukar: Gerald  Robinson 27/9 fráköst, Semaj Inge 18/14 fráköst/14 stoðsendingar, Haukur Óskarsson 18, Sævar Ingi Haraldsson 16, Sveinn Ómar Sveinsson 15/11 fráköst, Örn Sigurðarson 2, Emil Barja 2/6 fráköst.

Njarðvík: Christopher Smith 36/12 fráköst/4 varin skot, Magnús Þór Gunnarsson 15, Friðrik E.  Stefánsson 9/8 fráköst, Rúnar Ingi Erlingsson 7, Guðmundur  Jónsson 6/5 fráköst/6 stoðsendingar/7 stolnir, Jóhann Árni Ólafsson 4, Egill Jónasson 3, Hjörtur Hrafn Einarsson 2, Lárus Jónsson 2.

KR-Fjölnir 82-74

KR: Brynjar Þór Björnsson 18, Fannar Ólafsson 15/6 fráköst, Marcus  Walker 14/6 stoðsendingar, Hreggviður Magnússon 13/5 fráköst, Pavel Ermolinskij 11/11 fráköst, Finnur Atli Magnússon 7/5 fráköst, Skarphéðinn Freyr Ingason 3, Jón Orri Kristjánsson 1/5 fráköst.

Fjölnir: Brandon Ja Juan Springer 17, Sindri Kárason 15/4 fráköst, Ægir Þór Steinarsson 14/11 fráköst/6 stoðsendingar, Tómas Heiðar Tómasson 8, Jón Sverrisson 7/5 fráköst, Ingvaldur Magni Hafsteinsson 7/5 fráköst, Sigurður Þórarinsson 2, Arnþór Freyr Guðmundsson 2/5 fráköst, Trausti Eiríksson 2.

Tindastóll-Skallagrímur 72-48

Tindastóll: Hayward Fain  15, Dragoljub Kitanovic 14, Svavar Atli Birgisson 14/11 fráköst, Friðrik Hreinsson 9, Sean Kingsley Cunningham 9/6 fráköst/5 stoðsendingar, Helgi Rafn Viggósson 5/18 fráköst, Helgi Freyr Margeirsson 4, Halldór Halldórsson 2.

Skallagrímur: Darrell Flake 17/11 fráköst, Mateuz Zowa 8/8 fráköst, Hafþór Ingi Gunnarsson 7, Halldór Gunnar Jónsson 7, Birgir Þór Sverrisson 6, Davíð  Guðmundsson 3.