Sundsvall vann Íslendingaslaginn gegn Stockholm

Jakob Örn Sigurðarson var stigahæstur í liði Svíþjóðarmeistara Sundsvall Dragons sem lagði Helga Má Magnússon og félaga í 08 Stockholm, 84-76.

Jakob skoraði 17 stig en Hlynur Bæringsson og Pavel Ermolinskij skoruðu báðir 13 stig. Hlynur tók þess utan 11 fráköst en Pavel 6 og gaf þess utan 5 stoðsendingar. Helgi Már skoraði 6 stig og tók 9 fráköst.

Logi Gunnarsson fór á kostum í liði Solna Vikings sem vann mikilvægan sigur á Södertalje. Logi skoraði 28 stig og var stigahæstur í liðinu.

Brynjar Þór Björnsson skoraði 6 stig fyrir Jämtland sem mátti sætta sig við tap gegn LF Basket.

Úrslit:

Sundsvall-Stockholm  84-76

Solna-Södertalje  79-68

LF Basket-Jämtland  99-79