Alexander með nýja klippingu

Alexander Petersson átti frábæran leik eins og svo margir aðrir í íslenska landsliðinu í handbolta þegar að liðið vann Ungverja á HM í Svíþjóð í gær.

Eins og sjá má á meðfylgjandi mynd ákvað Alexander, nýkrýndur íþróttamaður ársins, að fá sér nýja klippingu fyrir mótið og verður að segjast að hún fer honum afskaplega vel.

Vonum að nýja greiðslan muni áfram reynast honum vel en Ísland mætir Brasilíu klukkan 20.00 í kvöld. Ítarleg umfjöllun verður um hann á Vísi fyrir leik, á meðan honum stendur og eftir hann.