Jóhann: Úrslitaleikur gegn Fram

Jóhann Helgason miðjumaður Grindavíkur mátti sín lítils líkt og félagar hans gegn FH í kvöld þar sem Grindavík náði sér engan vegin á strik en Jóhann er strax farinn að horfa til leiksins gegn Fram um næstu helgi.

„Við náðum okkur aldrei á strik. Í fyrri hálfleik voru þeir mikið með boltann, við vorum langt frá þeim og þeir fengu að gera það sem þeir vildu úti á vellinum. Samt voru þeir ekki að skapa sér mörg færi en það gekk ekkert hjá okkur fram á við,“ sagði Jóhann eftir leikinn.

„Við mættum varla til leiks en það var ekki eins og menn vildu spila í gær, það var ekki hægt. Það var ekki stætt hérna í Grindavík í gær,“ sagði Jóhann.

„Þeir skora tvö mörk eftir föst leikatriði í upphafi seinni hálfleik og það er ekki fyrr en eftir það að við förum að spila og þorum að halda boltanum. Við þurfum að þora að halda boltanum frá upphafi. Svona gengur ekki gegn eins sterku liði og FH,“ sagði Jóhann en Grindavík mætir Fram í næstu umferð sem er sannkallaður úrslitaleikur fyrir liðið því með sigri þar tryggir Grindavík sæti sitt í deildinni á næstu leiktíð.

„Næsti leikur er úrslitaleikur, það er óþarfi að teikna hann upp öðruvísi. Það er leikur sem þarf að vinnast. Við eigum mjög erfiðan útileik og lokaumferðinni og því er þetta úrslitaleikur gegn Fram á sunnudaginn,“ sagði Jóhann að lokum.