Bjarni: Fórum illa með álitlegar sóknir og þokkaleg færi

„Nú er maður jafn svekktur og maður var glaður fyrir viku. Að tapa leik á heimavelli á síðustu mínútu í svona bardagaleik sem gat endað hvorumeginn sem var. Mér fannst samt við skarpari sóknarlega en fórum illa með álitlegar sóknir og þokkaleg færi,“ sagði Bjarni Jóhansson þjálfari Stjörnunnar eftir tap sinna manna á heimavelli gegn Keflvíkingum 3-2 – eitthvað sem sést ekki á hverjum degi í Garðabæ.

„Ég var með góða tilfiningu eftir fyrri hálfleikinn en þetta datt þeirra meginn í kvöld. Því miður,“ bætti Bjarni sem var ekki enn búinn að ákveða sig hvort hann væri sáttur eða ósáttur við vítaspyrnudóminn.

„Ég veit ekki alveg hvað ég á að segja. Við skorum náttúrulega mark. Garðar setur hann í autt markið en Albert fékk rautt um daginn og það má setja þá spurningarmerki með þetta.“

„Leikstíll Keflvíkinga gekk útá að dúndra löngum boltum á okkur. Þeir dældu á okkur og hver einasti bolti var langur hjá þeim. En það gekk upp og ég er mjög ósáttur við að fá á mig þrjú mörk á heimavelli.