"Kallaði bara númerin þeirra"

Clark Keltie, nýr miðjumaður Þórs, átti góðan dag á miðju liðsins gegn Víkingum. Hann stýrði miðjuspilinu vel og skoraði úr víti í uppbótartíma en hann hefur aðeins verið á Akureyri í nokkra daga.

"Þetta var fyrsti leikurinn minn í tvær eða þrjár vikur og þetta var fínt í dag. Mér hefur verið tekið mjög vel af leikmönnum og stjórninni og gæti ekki verið sáttari. Viðmótið er frábært," sagði Clark við Vísi.

"Það er erfitt að segja til um hversu góður þessi fótbolti er eftir einn leik og nokkrar æfingar en svo lengi sem við höldum áfram að vinna er mér alveg sama. Ég er að komast inn í þetta, læra á liðið, boltann og dómarana," sagði Clark.

Einhver vandræði með þá í dag?  - "No comment," sagði Clark og hló við en Guðmundur Ársæll hafði fín tök á leiknum í dag.

"Ég þekki ekki nöfnin á mönnum ennþá, ég kallaði bara á númerin þeirra og skipaði fyrir! Auðvitað kann ég enga íslensku en allir tala góða ensku og það hjálpar mér mikið," sagði Clark.