Ók inn í hóp af hjólreiðarmönnum

Tæplega fimmtugur maður var handtekinn í borginni Porto Alegre í Brasilíu eftir að hann ók inn í hóp af hjólreiðarmönnum út á miðri götu.

Atvikið átti sér stað á föstudagskvöldið síðasta. Maðurinn stakk af vettvangi en myndbandsupptaka af atvikinu leiddi til þess að hann var handtekinn.

Við yfirheyrslur játaði hann að hafa ekið inn í hópinn. Hann segist hafa óttast um líf sitt þegar hjólreiðarmennirnir hjóluðu utan í bílinn hans. Þótt ótrúlegt sé þá lést enginn en maðurinn verður líklega ákærður fyrir tilraun til manndráps.