Hannes Þ. Sigurðsson semur við Rússana

FH-ingurinn Hannes Þ. Sigurðsson hefur samið við Spartak Nalchik í rússnesku úrvalsdeildinni í knattspyrnu. Hannes heldur utan á laugardaginn. Þetta kemur fram á fotbolti.net.

Hannes skrifaði undir samning fram að áramótum en í samtali við fotbolti.net kemur fram að samningslengdin hafi verið að ósk Hannesar. Hannes gekk til liðs við FH í vor eftir fjölmörg ár í atvinnumennsku.

Hannes skoðaði aðstæður hjá rússneska liðinu fyrr í sumar. Félagið lenti í 6. sæti rússnesku úrvalsdeildarinnar á síðustu leiktíð en situr í næstneðsta sæti deildarinnar í dag.

Heimavöllur Nalchik tekur 14,400 manns.