Þrjú töp í röð hjá strákunum - myndir

Íslenska 21 árs landsliðið tapaði sínum þriðja leik í röð í undankeppni EM þegar liðið heimsótti hið gríðarsterka enska landslið í gær. Englendingar unnu leikinn 5-0 og hafa nú fullt hús og markatöluna 16-1 í fyrstu fjórum leikjum sínum í riðlinum.

Einu stig og einu mörk íslenska 21 árs landsliðsins komu í fyrsta leiknum þegar Björn Bergmann Sigurðarson tryggði íslenska liðinu 2-1 sigur á Belgum með tveimur mörkum.

Íslensku strákarnir hafa tapað þremur síðustu leikjum sínum í undankeppninni með markatölunni 0-10.

Vísir hefur tekið saman nokkrar myndir frá leiknum sem koma frá Getty Images myndabankanum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.