Lukkan var með KR á móti Fram - myndir

KR-ingar unnu mikilvægan 2-1 sigur á Fram í Pepsi-deild karla í gær og halda því áfram tveggja stiga forystu á ÍBV. KR hafði gert jafntefli í síðustu tveimur heimaleikjum sínum en tókst nú að landa sigri þó að liðið hafi vissulega haft heppnina með sér.

Kjartan Henry Finnbogason skoraði fyrra mark KR á 81. mínútu en seinna var sjálfsmark Framara. Hannes Þór Halldórsson varði víti í fyrri hálfleik og átti mjög góðan leik.

Stefán Karlsson, ljósmyndari Fréttablaðsins og Vísis, var á leik KR og Fram á KR-vellinum í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.