Heideld náði besta tíma í prófun Lotus Renault á hæfileikum hans

Þjóðverjinn Nick Heidfeld náði besta tíma allra ökumanna á Jerez brautinni á Spáni í dag. Lotus Renault liðið prófaði hann sem mögulegan staðgengil Robert Kubica í Formúlu 1. Kubica verður frá keppni um ótiltekinn tíma vegna meiðsla sem hann hlaut í rallkeppni á Ítalíu um síðustu helgi. Heidfeld varð 0.132 sekúndum á undan Spánverjanum Fernando Alonso hjá Ferrari á æfingunni í dag, en Þjíðverðinn Michael Schumacher á Mercedes varð þriðji samkvæmt tímum á autosport.com, sem fylgdist grannt með gangi mála í dag. Eric Bouiller hjá Lotus Renault sagði fyrir helgina í sama miðli að Heifeld yrði metinn á æfingu um helgina og ef liðsmenn væru ánægðir með hann myndu þeir halda í hann. Heidfeld var varaökumaður Mercedes í fyrra í upphafi tímabilsins, en hætti þar og réð sig í dekkjaprófannir með Pirelli um tíma og keppti svo með BMW Sauber liðinu í síðustu fimm Formúlu 1 mótum í stað Pedro de la Rosa frá Spáni og hætti hjá Pirelli. Heidfeld er 33 ára gamall og er búsettur í Sviss ásamt eiginkonu sinni og þremur börnum. Hann keppti fyrst í Formúlu 1 með Prost liðinu árið 2000, en hefur síðan ekið með Sauber, Jordan, Williams og BMW Sauber á ferlinum. Tímarnir í dag. 1  HeidfeldRenault 1m20.361s 2  AlonsoFerrari 1m20.493s  +0.132 3  SchumacherMercedes 1m21.054s  +0.693 4  HamiltonMcLaren 1m21.099s  +0.738 5  KobayashiSauber 1m21.242s  +0.881 6  VettelRed Bull 1m21.574s  +1.213 7  BuemiToro Rosso 1m21.681s  +1.320 8  KovalainenLotus 1m21.711s  +1.350 9  BarrichelloWilliams 1m22.227s  +1.866 10  Di RestaForce India 1m22.945s  +2.584 11  D'AmbrosioVirgin 1m25.471s  +5.110