Framarar sömdu við Skotann Scott Robertsson

Skoski leikmaðurinn Scott Robertson hefur samið við Fram og mun hann leika með liðinu út leiktíðina í Pepsi-deild karla. Robertson er 23 ára gamall og kemur frá Stirling Albion en hann hefur verið á reynslu hjá Fram í vikutíma. Frá þessu er greint á vef BBC.

Robertson getur leikið sem miðju – og varnarmaður og á hann eflaust að fylla það skarð sem Jón Guðni Fjóluson skilur eftir sig í vörn liðsins.

Fram er á botni deildarinnar  með 2 stig eftir 8 umferðir. Fram mætir Keflavík á útivelli á morgun þegar níunda umferð hefst með fimm leikjum.