Íslendingaliðið FC Kaupmannahöfn vann 1-0 útisigur á Lyngby í dönsku úrvalsdeildinni í fótbolta í dag og er eftir leikinn með sjö stiga forskot á Aalborg BK á toppnum en Álaborgarliðið á reyndar leik inni.
César Santín skoraði sigurmarið á 13. mínútu eftir stoðsendingu frá Ragnari Sigurðssyni sem hafði komið inn á sem varamaður mínútu áður.
Sölvi Geir Ottesen var í byrjunarliði FCK en Ragnar kom inn á sem varamaður á tólfu mínútu fyrir fyrirliðann Mathias Jörgensen sem meiddist.
Sölvi og Ragnar léku saman í 78 mínútur í miðri vörninni og FCK hélt hreinu og fagnaði góðum sigri.
Ragnar lagði upp sigurmark FCK - Sölvi og Ragnar lokuðu vörninni
