Fagráð taki fyrir ásakanir um kynferðislega misnotkun

Kaþólska kirkjan á Íslandi fundaði í dag um ásakanir um kynferðislega misnotkun innan kirkjunnar sem fjallað hefur verið um undanfarið. Viðbrögð kirkjunnar er að vænta í kvöld eða í fyrramálið.

Jakob Rolland, talsmaður kirkjunnar, sagði í samtali við fréttastofu í dag að líklegt væri að fagráð yrði skipað til þess að fjalla um málin líkt og gert var hjá þjóðkirkjunni. Þá hafi Róbert Spanó, formaður rannsóknarnefndarinnar þjóðkirkjunnar, verið kaþólsku kirkjunni innan handar í málinu.

Jakob sagði einhverjar úrsagnir hafa verið eftir að málin komu upp en hafði ekki nákvæma tölu.