Tæplega fertug kona gjaldþrota þrátt fyrir ólöglegt lán

Héraðsdómur Reykjaness hafnaði í dag kröfu gjaldþrota konu um endurupptöku á gjaldþrotamálinu. Koann hafði verið gerð gjaldþrota eftir að hún tók gengistryggt íbúðalán hjá Kaupþingi árið 2005.

Lánið rauk upp úr öllu valdi við fall krónunnar árið 2008. Árið 2010 voru gengistryggð lán svo dæmd ólögleg, eins og kunnugt er. Eftir það krafðist konan endurupptöku á gjaldþrotamálinu.

Héraðsdómur Reykjaness kemst að þeirri niðurstöðu í úrskurði sínum að vegna 3 milljóna króna yfirdráttaskuldar hafi konan þegar verið komin í greiðsluþrot áður en gengistryggða lánið stökkbreyttist við efnahagshrunið. Gjaldþrot hennar verði því ekki rakið til gengistryggða lánsins. Því sé ekki hægt að taka málið upp að nýju.