Viðskipti innlent

Samkeppnishæfni Íslands hverfur með kolefnisgjaldi

Jónas Margeir Ingólfsson skrifar
Forsendur fyrir rekstri járnblendiverksmiðjunnar á Grundartanga bresta ef fyrirhugað kolefnisgjald verður lagt á segir forstjóri Elkem á Íslandi. Hann segir samkeppnishæfni Íslands í iðnaðinum hverfa því hráefni verða skattlögð sem ekki er gert í öðrum löndum.

Á forsíðu fréttablaðsins í dag er greint frá því að forstjóri íslenska kísilfélagsins sé verulega hræddur um að ef fyrirhugað kolefnisgjald verði lagt á fyrirtæki um áramótin muni fjárfestar í kísiliðnaði hætta við byggingu kísilvera. Í fréttum okkar í gær greindum við frá því að kolefnisgjaldið myndi kosta flugfélag Íslands fimmtíu milljónir króna á næsta ári sem hefði bein áhrif á miðaverð. Nú hefur Elkem á Íslandi jafnframt lýst því yfir að ef af skattlagningunni verði séu allar forsendur fyrir rekstri járnblendiverksmiðjunnar á Grundartanga brostnar.

„Ef við horfum á þróunina eins og henni er lýst í athugasemdumvið frumvarpið þá erum við komin í tvöfaldan meðalhagnað síðustu ellefu ára og þannig er bara búið að kippa rekstrargrunninum undan fyrirtækinu algerlega," segir Einar Þorsteinsson, forstjóri Elkem á Íslandi.

Hann segir eigandann því koma til með að þurfa að borga með verksmiðjunni.

„Það segir sig sjálft hvaða afleiðingar það hefur."

Kolefnisgjaldið er hins vegar í takt við þróun útblástursgjalda um alla evrópu. Einar segir hins vegar frumvarpið einnig gera ráð fyrir skattlagningu á kolefni sem hráefni.

„Á Íslandi á að skattleggja þetta hráefni sérstaklega sem ekki er gert hjá samkeppnisaðilum okkar. Þar af leiðandi er samkeppnishæfni okkar til að framleiða kísiljárn ekki til staðar lengur."





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.