Landsvirkjun greiði Ístak 26 milljónir

Landsvirkjun þarf að greiða Ístaki tæpar 26 milljónir króna vegna vinnu við Kárahnjúkastíflu, samkvæmt dómi Héraðsdóms Reykjavíkur í dag.

Fyrirtækin gerðu verksamning þann 12. mars 2009 vegna vinnu við gerð Kárahnjúkastíflu. Verkið var boðið út innan evrópska efnahagssvæðisins (EES) og var verksamningur gerður við ÍSTAK eftir að fyrirtækið hafði átt lægsta tilboð í verkið í útboði sem fór fram í apríl 2008.

Alls hljóðaði samningurinn upp á tæplegar 830 milljónir króna en vegna breytinga á lögum um virðisaukaskatt lækkaði vísitala byggingarkostnaðar. Taldi Landsvirkjun þá að lækka ætti samningsfjárhæðina. Á það féllst dómarinn hins vegar ekki og var Landsvirkjun, eins og áður sagði, gert að greiða Ístaki tæpar 26 milljónir króna auk dráttarvaxta.