Frans: Leiðinlegt að sjá eftir punktinum

Frans Elvarsson, hinn ungi miðjumaður Keflvíkinga, skoraði sitt fyrsta mark í Pepsi-deild karla í kvöld. Keflavík tapaði þó fyrir KR á heimavelli, 3-2.

Markið skoraði Frans eftir aðeins 47 sekúndur en forystan dugði þó í aðeins tíu mínútur. KR komst svo yfir í seinni hálfleik en Keflavík jafnaði metin á 81. mínútu.

En í uppbótartíma tókst KR-ingum að skora þriðja mark sitt í leiknum og tryggja sér þar með sigurinn. Frans segir að það hafi verið erfitt að kyngja því.

„Ég hefði auðvitað viljað að markið hefði talið til stiga. Það var leiðinlegt að sjá eftir þessum punkti í lokin,“ sagði Frans en viðtalið má sjá í heild sinni hér fyrir ofan.

Hann segir að það hafi verið ætlunin að leyfa KR-ingum að vera með boltann. „Þetta var þó svolítið kaflaskiptur leikur og mér fannst við vera mjög góðir undir lok leiksins. Sigurinn hefði alveg eins getað dottið okkar megin.“

„Nú þurfum við helst að fá þrjú stig úr næsta leik. Það getur þó allt enn gerst og enn tveir leikir til góða. Það er auðvitað leiðinlegt að þurfa að glíma við fallbaráttu þegar lítið er eftir af mótinu en svona er fótboltinn bara.“