Birkir: Enn flugfært til Eyja og enn hægt að spila

Birkir Sveinsson, mótastjóri KSÍ, segir að ekki sé búið að taka ákvörðun um að fresta leik ÍBV og KR í Vestmannaeyjum í dag. Það sé þó enn flugfært til Eyja og enn útlit fyrir að hægt verði að spila á Hásteinsvelli.

Seint í gærkvöldi var tilkynnt að öllum ferðum með Baldri frá Landeyjahöfn til Vestmannaeyja í dag hefðu verið aflýst. Baldur siglir nú á milli þar sem Herjólfur er í slipp.

Áætlað er að lið KR fljúgi til Eyja eftir hádegi ásamt dómurum. Birkir sagði við Vísi í morgun að á meðan liðið komist á áfangastað og veður hamli því ekki að leikurinn geti farið fram sé tveimur mikilvægum skilyrðum uppfyllt.

Þó væri ekki búið að taka endanlega ákvörðun enn en það verður gert þegar nær dregur leiktíma. Leikurinn á að hefjast klukkan 17.00 í dag.

Leikurinn í dag átti að vera í beinni útsendingu á Stöð 2 Sport en ekki var hægt að senda tæknilið stöðvarinnar til Vestmannaeyja þar sem ferðum Baldurs var aflýst í dag.

Uppfært: Leik ÍBV og KR var frestað laust fyrir klukkan 11. Sjá hér.