Leik ÍBV og KR frestað til morguns

Ákveðið hefur verið að fresta viðureign ÍBV og KR til morguns en átakaveðri er spáð í Vestmannaeyjum í dag. Þetta var staðfest af KSÍ nú rétt í þessu.

Í gærkvöldi var öllum ferðum dagsins með Baldri til Eyja aflýst en í morgun var enn vonast til þess að lið KR kæmist til Vestmannaeyja með flugi og að hægt væri að láta leikinn fara fram eins og áætlað var.

Þá er einnig mikil rigning og sterkur vindur í Grindavík þar sem heimamenn mæta FH-ingum í dag. Enn er áætlað að sá leikur fari fram enn sem komið er.