Ólafur Þórðarson: Klikkum á grundvallaratriðum

„Við klikkum á grundvallaratriðum í byrjun síðari hálfleiks og þá fengum við öll þess mörk á okkur,“ sagði Ólafur Þórðarson, þjálfari Fylkis, eftir leikinn í kvöld.

Fylkir tapaði gegn Stjörnunni 3-2 í Árbænum, en Stjörnumenn skoruðu öll sín mörk á 11 mínútna kafla í byrjun síðari hálfleiks.

„Við verðum að gera betur í föstum leikatriðum, en mér fannst við eiga skilið að fara heim með stig úr leiknum í kvöld. Við vorum alls ekki síðra liðið í kvöld og sköpuðum jafnvel betri færi en þeir“.

„Menn voru að berjast og reyna allan leikinn, en það vantaði ákveðin gæði í okkar leik í kvöld“.

Fylkismenn er í raun eina liðið í deildinni sem hefur að engu að keppa, en liðið getur hvorki náð í Evrópusæti né fallið niður.

„Þegar menn fara út á völlinn þá erum þeir að keppa um þrjú stig og það á alltaf að vera þannig“.