Bjarnólfur: Gaman að sjá strákana blómstra

„Það er virkilega gleðilegt fyrir mig að sjá strákana blómstra í kvöld eftir afar erfitt ár þar sem mikil þyngsli hafa verið lögð á þá,“ sagði Bjarnólfur Lárusson, þjálfari Víkings eftir 6-2 sigur gegn Breiðablik í kvöld.

„Við héldum bolta vel, vorum yfirvegaðir og það gekk nánast bara allt upp. Það var gaman að sjá Björgólf í þessum leik því hann sýndi hann sitt rétta andlit eftir erfitt ár."

„Við bjuggumst við að þeir kæmu sterkir inn eftir hálfleikinn en það var gaman að sjá karakterinn hjá strákunum, þeir héldu sínu áfram."

„Ég hef verið að rífa í handbremsuna í agamálum innan félagsins, þegar maður er þjálfari og ætlar að fá aga í hópinn þarf maður að vera staðfastur þegar kemur að agabrotum," sagði Bjarnólfur.