Atli Sigurjónsson: Ég vil fá KR í úrslitaleiknum

„Ég veit ekki alveg hvernig ég á að haga mér. Ég er alveg búinn á því en mjög glaður," sagði Þórsarinn Atli Sigurjónsson í viðtali við Valtýr Björn Valtýsson á Stöð 2 Sport eftir að Þórsliðið hafði tryggt sér sæti í bikarúrslitaleiknum í fyrsta sinn í sögu félagsins.

„Við vorum búnir að hugsa um það síðan að við komust í undanúrslitaleikinn að við ætluðum að hlaupa þangað til að við gætum ekki meira. Það er alltaf þannig," sagði Atli.

Valtýr spurði Atla hverja hann vildi fá KR eða BÍ/Bolungarvík í úrslitaleiknum. Það stóð ekki á svari. „KR. Ef þú vilt verða bestur þá þarftu að vinna þá bestu. Þeir eru bestir núna og við ætlum að taka þá," sagði Atli.