Hrakfarir FH-inga halda áfram - myndir

FH-ingar urðu að sætta sig við 2-2 jafntefli á móti Fylki í Pepsi-deild karla í gærkvöldi þrátt fyrir að vera komnir 2-0 yfir eftir 17 mínútna leik. Fylkismenn unnu sig inn í leikinn í seinni hálfleik og tókst að jafna leikinn með tveimur mörkum í seinni hálfleik.

FH-ingar eru þar með áfram átta stigum á eftir toppliði KR en þeir hefðu getað minnkað forystu KR í sex stig með sigri. KR-liðið á nú leik inni og hefur átta stiga forskot á FH þegar mótið er hálfnað.

Stefán Karlsson, ljósmyndari Fréttablaðsins og Vísis, var á leiknum á Kaplakrikavelli í gærkvöldi og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.