Þorsteinn: Þurfum að vera grimmari

Þorsteinn Ingason fyrirliði Þórs var óánægður með dómara leiksins í kvöld. Hann sagði að þriðja mark Vals hefði ekki átt að standa og að dómgæslan í því hefði klárlega haft áhrif á spilamennsku liðsins.

Þór tapaði 3-0 fyrir Val en samt sem áður var Þorsteinn sáttur með margt.

"Við spiluðum þokkalega en við fengum á okkur mjög ódýr mörk. Þeir höfðu einbeitinguna í vítateigunum framyfir okkur og það skildi á milli."

"Ég er ekki óánægður með leikinn en mörkin sem við fáum á okkur úr föstum leikatriðum eru mjög dýr. Við þurfum að skoða þetta vel og vera grimmari í teigunum," sagði fyrirliðinn.

Nánar er rætt við Þorstein í Fréttablaðinu á morgun þar sem hann lýsir þriðja marki Vals og fer þar ófögrum orðum um dómara leiksins.