MP banki með mestu veltuna í skuldabréfum

MP banki er með mesta veltu á skuldabréfamarkaði í Kauphöll Íslands fyrri helming ársins, samkvæmt upplýsingum frá Nasdaq OMXI. Velta bankans nam 632 milljörðum króna sem er 26% af allri veltu skuldabréfa í Kauphöllinni.

Heildarvelta á skuldabréfamarkaði fyrstu sex mánuði ársins nam rúmlega 2.430 milljörðum króna.

Í tilkynningu frá bankanum segir að mikil hlutdeild MP banka undanfarin ár endurspeglar traust fjárfesta og góða þjónustu við framkvæmd viðskipta á markaði. Leiðandi staða bankans auðveldar viðskiptavinum bankans að ná bestu kjörum í viðskiptum auk þess að einfalda viðskipti með háar fjárhæðir.