Guðmundur og Erlendur látnir lausir

Guðmundur Örn Gunnarsson, fyrrverandi forstjóri VÍS, og Erlendur Hjaltason, fyrrverandi forstjóri Existu, hafa verið látnir lausir úr haldi lögreglu. Þeir voru færðir til yfirheyrslu hjá sérstökum saksóknara í dag vegna rannsóknar embættisins á lánveitingum VÍS á árunum 2007-2009.

Sérstakur saksóknari segir að grunur sé um meint brot á auðgunarbrotakafla hegningarlaga í tengslum við ráðstafanir á fjármunum vátryggingafélagsins og brot á lögum um vátryggingastarfsemi.

VÍS var eitt af dótturfélögum Existu.

--------------------------

Í þessari frétt í dag var fullyrt að Sigurður Valtýsson hefði verið einn hinna handteknu. Það er rangt og biðst Vísir velvirðingar á þeirri missögn.