Var þetta mark eða ekki hjá Barcelona? - myndband

Leikmenn og þjálfari Barcelona brugðust illa við þegar mark, sem liðið virtist skora undir lok leiksins gegn Rhein-Neckar Löwen, var ekki dæmt löglegt.

Leiknum lyktaði með jafntefli en menn eru ekki á einu máli um hvort þetta hefði verið markið eða ekki.

"Ég treysti mér ekki til að segja um það. Þetta er mjög tæpt," sagði Guðmundur Guðmundsson, þjálfari Rhein-Neckar Löwen, við Vísi.

Ef mið er tekið af klukkunni á skjánum þá virðist tíminn ekki vera liðinn er boltinn fer í netið. Aftur á móti virðist sú klukka vera á eftir því það heyrist flaut áður en boltinn fer í netið.

Barcelona ætlaði fyrst að kæra umgjörð leiksins en hefur nú hætt við.

Hægt er að sjá helstu atvik leiksins og að sjálfsögðu atvikið umdeilda í þessu myndskeiði hér.