Ólíklegt að tilboðinu verði svarað á morgun

Það eru skiptar skoðanir á því milli stjórnar- og stjórnarandstöðu hvernig að eigi að bregðast við gagntilboði Breta og Hollendinga, sagði Sigmundur Davíð Gunnlaugsson við fréttamenn rétt eftir klukkan sjö í kvöld.

Forystumenn ríkisstjórnarinnar og forystumenn stjórnarandstöðunnar hafa fundað saman um gagntilboðið í kvöld. Sigmundur telur að tilboðið sé ekki í takti við það sem rætt hafi verið um á milli samninganefnda ríkjanna. Útspil Breta og Hollendinga komi því á óvart. Hann bendir á að sú nálgun sem hafi verið rædd hafi ekki verið lántaka, heldur hafi aðrar lausnir verið ræddar.

Ólíklegt er að gagntilboðinu verði svarað á morgun.