Erlent

17 milljón brjálaðar býflugur

Óli Tynes skrifar
Slökkviliðsmenn notuðu úðakerfi til að halda býflugunum í skefjum.
Slökkviliðsmenn notuðu úðakerfi til að halda býflugunum í skefjum. Mynd/AP

Slökkviliðsmönnum sem komu að fjögurra bíla árekstri í Minnesota brá í brún þegar þeir sáu farþegana sem þeir þurftu að eiga við.

Einn bílanna var nefnilega trukkur sem var að flytja sautján milljón býflugur á milli búa. Og býflugurnar voru ekki hrifnar af hristingnum og hamaganginum.

Sjónarvottur sagði að loftið hefði verið þykkt af brjáluðum býflugum.

Slökkviliðsmennirnir notuðu úðakerfi til að halda býflugunum frá meðan þeir sinntu fólkinu í árekstrinum, en einn maður lést og annar var fluttur á sjúkrahús.

Allmargir hlutu stungur en engum varð þó meint af.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið