Biskupinn og Lenín!

Einhversstaðar segir í góðri bók; „þar sem tveir eru samankomnir í mínu nafni, þar er ég mitt á meðal ykkar."

Nú skal ég ekki segja hvort ég fari alveg rétt með tilvitnunina eins og hún var skrifuð fyrir þúsundum ára, en þið vitið öll hvað ég á við, því við könnumst öll við þetta ekki satt? Og vil ég strax frábiðja alla „ofsafengna" menn og konur að rísa uppá afturlappirnar í egó kapphlaupi dauðans að „verja" heiður sinn og sinnar trúar, sama hver hún er, að því að þau „móðguðust" yfir tilvitnuninni eða yfir því sem hér á eftir kemur. Við erum öll eitt, sköpuð af sömu uppsprettunni og þá hvort þér líður betur með að kalla hann eða hana Guð, Ljósið, Alheiminn, Allah eða Buddha, eða fleiri nöfnum sem ég man ekki eftir í bili, gildir einu. Þetta er all eitt og hið sama, uppspretta Ljóss og Friðar. Við erum öll Guð að upplifa og skapa okkar raunveruleika og líf á hverjum degi uppá nýtt, en stórkostlegt í raun! Finndu þinn innri mann og hlustaðu á innsæið þitt og ef það er sprottið útfrá Ást og Kærleika þá er það Guð að tala við þig, í gegnum þig, að upplifa sig í gegnum þig..eða…hver/hvað sem þér líður vel með..

Einhver vitur maður sagði; að það væru í raun bara tvær megin tilfinningar til; Ótti og Kærleikur! Já, allar skoðanir, ákvarðanir, hugmyndir um allt og ekkert, sjálfan þig og aðra, ástina, pólitik og hvað eina eru annaðhvort meðvitað eða ómeðvitað teknar út frá annaðhvort ótta eða kærleika.

Þar hafið þið það.

Sá maður sem kennir sig við Biskup Íslands virðist halda að hann og félagar hans í kirkjunni eigi einkarétt á því að tala á vegum „ Guðs" eða það að Guð geti einungis talað í gegnum mann eða konu sem er í hempu og er með gráðu frá Háskóla Íslands að um hann eða hún hafi sérstakt „ leyfi" að tala á Hennar vegum. Þetta er auðvitað allt svo hlægilegt og byggt upp á miklum Ótta, Egói og Hégóma að að það er bara hægt og hlægja.

Ég hef aldrei skilið almennilega þessa umsögn eða tilmæli að maður eigi að óttast Guð sinn ? Hvernig má það vera að sá sem kennir sig við Kærleik, Ást, Frið og umhyggju vilji að maður óttist hann í sí og æ. Hvað þá að Hann sé hefnigjarn og húmorslaus og sumir séu æðri öðrum ,að maður fari til Helvítís hafi maður ekki „hagað" sér vel.

Við tökum þetta náttúrulega ekki alvarlega frekar enn annað bull og ranghugmyndir um það sem Er og allt það sem getur Orðið.

En aftur að biskupnum sem var þess vegna sem ég settist niður við skriftir. Sá sami maður sem hefur risið uppá afturlappirnar hvað eftir annað yfir ýmsum málum og nú síðast yfir því að hann fái ekki lengur að „predika" óhindrað í grunnskólum landsins.

Minnir helst á gamlan Lénsherra frá Austur Evrópu sem veit ekki að Berlínarmúrinn er fallinn og næruveru hans er ekki lengur óskað. Já hann er orðin svo örvæntingarfullur að halda sínum völdum og áhrifum, sem er nú yfirleitt tilhneying Kirkna þess heims að vilja ekki sleppa takinu á fólkinu. Halda því í ótta og fáfræði, eins ílla upplýstu og kostur er og það sé einunigs á hendi fárra útvalinna manna líkt og biskupnum og félögum í þessu tilviki að tala máli Guðs ! Sem og já haldið ykkur nú; að vera „ andlegur leiðtogi" landsins og sáluhjálpari ! Já, hvað ætli blessuðum konunum sem leituðu „leiðsagnar og sáluhjálpar" hjá þessum manni vegna þess að forveri hans hafði bara mestan áhuga á að „klípa" í hold þeirra á ýmsum stöðum en að þeirra sögn alveg gegn þeirra vilja og í raun engin ástæða til að rengja það. En núverandi biskup vildi bara þagga þetta allt niður, en fyrst svaraði hann reyndar bréfi einnar þeirra um fund ekki fyrr en ári síðar, eftir að athygli hafði verið vakin á því í einum af fjölmiðlum landsins. Því þessi „sáluhjálpari" þjóðarinnar var svo umhugað að koma til hjálpar strax ! Svo varð hann tvísaga og margsaga í því sem átti að hafa verið gert í málinu og ekki gert. Já þar höfum við það:

Einn biskupinn kleip bara í kvenholdið og hinn vildi bara þagga það niður. Svo ekki sé nú minnst á allar þær misþyrmingar á börnum sem margir kirkjunnar menn hafa boðið uppá og bjóða uppá enn út um heim allan og hér á landi líka.

Þetta er sami maðurinn sem bauð uppá ókeypis andlegt ofbeld þegar hann sagði fyrir fjórum árum að það væri alveg eins hægt að kasta hjónabandinu á „ruslahaugana" ef samkynhneigðum yrði leyft að ganga í hjónaband eins og honum ! Því hjónabandið væri heilagt !! Biskupinn er semsagt heilagri en aðrir. Skilur þetta nokkur maður ? Þetta er náttúrurlega bara fyndið ! Þetta var að mig minnir nánast jólaræðan, flott skilaboð frá andlegum leiðtoga, þar sem kærleikurinn gagnvart náunganum er hafður að leiðarljósi!

Ég veit ekki með ykkur, en ekki myndi mig langa til að leita til þessa manns með eitt eða neitt, þó mér yrði borgað fyrir að fara til hans, kannski tæki ég við peningunum en færi samt ekki ;) Hann hefur einfaldlega ekki góða nærveru að mínu viti, né nokkurn áhuga á trú, en hann er embættismaður sem hefði kannski orðið betri endurskoðandi ?

Biskupar eða prestar eru kannski bara eins og annað fólk, hvorki betri eða verri en aðrir í sjálfu sér. Sumir eru trúaðir, aðrir ekki, sumir prestar eru það að því að þeim finnst það flott ! Þeir fá athygli, geta glatt Egóið, flott fyrir ímyndina, af því að þjóðfélagið „lítur upp" til þeirra. Sumir kannski af því þeir eru vinsælir, og getar gift og jarðað marga og hafa af því fínar tekjur. Svo eru vissulega margir sem eru í því af lífi og sál og eru það í raun. Fylgja sínum innsta sannleika í því sem þeir eru. Bravó fyrir þeim sem öllum þeim sem það gera, sama í hvaða starfsstétt það er.

Þessi biskup neitaði að skera niður hjá kirkjunni um þau 10% sem ríkisstofnanir voru beðnar um að skera niður í sparnaðrskyni ( fá ca. 4 milljarða af skattfé borgaranna) því hann og krikjan væru andlegir sáluhjálparar þjóðarinnar eða eitthvað í þá veru. Ætli blessuðum konunum sem leituðuð til hans eftir kynferðislega áreitni meðbróður hans finnist það ? Hvað finnst þér ?

Getur verið að við erum það sem við erum það er að segja að góð manneskja hvort hún eða hann er félagsfræðingur, sálfræðingur, ráðgjafi, eða nokkuð annað geti ekki líka hjálpað fólki. Þar sem tilangurinn er að heila og hjálpa þeim sem þurfa á hjálp að halda fái hana. Ætli Hún Guð, Ljóisð Buddha, Allah, Englarinir, Álfarnir og eða Alheimuirnn geti ekki líka unnið í gegnum eða með okkur öllum í átt að ná betra lífi, innri sátt og friði ef við veljum svo. Að ef tilgangurinn er góður og í raun sprottin út frá því að heila og hálpa þá sé þar Guð á ferðinnni til dæmis eða…við þurfum ekki að fara sérstaklega í kirkju til þess.

Lenín eins og svo margir Lénsherrar þessa heims vildi vera ódauðlegur þar sem frelsi mannsins til að vera það sem hann eða hún er í raun var það sem þeir Óttuðust mest af öllu. Lenín bannaði kirkjunni að starfa því að hann óttaðist að hann sæti ekki einn að því stjórna fólki með Óttan að vopni ef svo mætti að orði komast. Hann fjarlægði „samkeppnina" .

Nei, minn kæri maður, hættu nú að berrassa sjálfan þig hvað eftir annað og áður en þú verður eftir á Adamsklæðunum einum saman, leitandi að eplinu góða sem er eftir allt saman ansi gómsætt og gaf manninum val að velja sína leið, hvort sem manni líkar betur eða verr. Hinn frjálsi vilji var og er ávallt hvers og eins.