Umfjöllun: KR-stúlkur unnu Hauka sannfærandi í fyrsta leik

KR sigraði Hauka sannfærandi, 78-47, í fyrsta einvígi liðanna í undanúrslitum Iceland-Express deildar kvenna í körfubolta. Haukarnir sáust ekki fyrstu tvo leikhlutana en unnu sig svo inn í leikinn en það reyndist ekki nóg og sigurinn heimastúlkna.

Það var mikil stemning í KR-liðinu strax frá upphafi leiks. Haukastúlkur höfðu engin svör og það var aðeins eitt lið í húsinu. KR stúlkur spiluðu glimrandi sóknarleik og frábæran varnarleik. KR-liðið skoraði fyrstu þrettán stig leiksins í kvöld sem undirstrikar eflaust það sem stendur hér fyrir ofan að aðeins eitt lið hafi mætt til leiks í kvöld.

Eftir margar tilraunir án árangurs, sóttu loks Haukastelpurnar sín fyrstu stig en það var eftir fimm mínútna leik. Það dugði skammt og KR-ingar héldu áfram að spila vel. Það var enn auglýst eftir Hauka-liðinu eftir fyrsta leikhluta en staðan þá, 24-4, heimastúlkum í vil.

Leikurinn breyttist þegar annar leikhluti hófst. Hauka-liðið vaknaði og fór að spila betri varnarleik en það dugði skammt og staðan er liðin gengu til búningsherbergja, 36-19. Unnur Jónsdóttir, leikmaður KR, í banastuði með 16 stig, aðeins þremur stigum minna en allt Hauka-liðið til samans.

Í þriðja leikhluta voru tvö lið farin að keppa inn á vellinum. Haukastúlkur funndu loksins leið að körfunni og um leið missti KR-liðið tökin á leiknum. Það var allt annað sjá Haukastúlkur eftir leikhléið og greinilegt að Henning Henningsson, þjálfari liðsins, hefur lesið vel yfir leikmönnum sínum. Þær náðu að minnka muninn minnst niður í sex stig en KR svöruðu undir lokin á þriðja leikhluta.

Staðan fyrir loka leikhlutann 49-41 og skyndilega stemningin Hauka megin í húsinu.

Heimastúlkur voru ekki tilbúnir að láta sigurinn af hendi eftir að hafa átt fyrstu tvo leikhlutana algjörlega. Þær svöruðu með flottum sóknarleik í lokaleikhlutanum og kláruðu dæmið. Þær funndu stemninguna aftur og komu til baka. Lokatölur sem fyrr segir, 78-48, í DHL-höllinni í kvöld.

Unnur Jónsdóttir var stigahæst í liði KR með 24 stig en Heather Ezell var stigahæst í liði gestanna með 15 stig.