Verður næsta Bond-stúlka indversk?

Leikkonan Freida Pinto, sem sló í gegn í kvikmyndinni, Viltu vinna milljarð, hefur verið orðuð í hlutverk Bond stúlkunnar í nýjustu James Bond myndinni sem óskarsverðlaunaleikstjórinn Sam Mendes leikstýrir.

Eins og áður er það Daniel Craig sem fer með hlutverk ofurnjósnarans.

Pinto hefur ekki staðfest að hún muni leika Bond-stúlkuna en taki hún hlutverkið að sér verður hún fyrsta indverska konan sem leikur hlutverkið.

Talsmaður myndarinnar vildi ekki tjá sig um orðróminn. Handritshöfundur Bond-myndarinnar, Peter Morgan, hefur áður sagt að sagan verði krassandi og ólíkt því sem áður þekkist í hasarmyndunum. Sá er ekki ókunnugur handritaskrifum því hann skrifaði meðal annars óskarsverðlaunamyndina Last King of Scotland og Frost/Nixon.