Hannes breytti öllu fyrir Sundsvall í kvöld

Hannes Þ. Sigurðsson kom inn á sem varamaður og tryggði GIF Sundsvall 3-3 jafntefli á móti Heiðari Geir Júlíussyni og félögum í Ängelholms FF í sænsku b-deildinni í fótbolta. Hannes skoraði jöfnunarmarkið sjö mínútum fyrir leikslok en aðeins mínútu áður hafði hann lagt upp mark fyrir félaga sinn.

Ängelholms FF komst í 2-0 og 3-1 í leiknum en Hannes kom inn á 59. mínútu þegar Sundsvall var 2-0 undir. Sundsvall minnaði muninn í 2-1 innan sex mínútna en Ängelholms FF náði aftur tveggja marks forustu þegar þrettán mínútur voru til leikslok.

Ari Freyr Skúlason lék allan leikinn með Sundsvall en Heiðar Geir Júlíusson sat allan tímann á bekknum hjá Ängelholm.