Ásta: Erum vanar mikilvægum leikjum

„Stemningin er mjög góð og við erum spenntar yfir því að vera loks komnar í úrslitaleikinn. Við erum búnar að vera að bíða eftir þessu," segir Ásta Birna Gunnarsdóttir, fyrirliði kvennaliðs Fram.

Fram mætir Val í úrslitaleik Eimskips-bikars kvenna í dag og verður flautað til leiks klukkan 13:30.

Eru Framkonur samt ekkert hræddar um að verða yfirspenntar? „Nei nei, auðvitað þarf að passa það en við höfum spilað svo marga mikilvæga leiki undanfarin ár að við erum alveg tilbúnar í þetta," segir Ásta.

„Rígurinn milli þessara liða er bara jákvæður. Bæði lið eru að berjast í toppbaráttunni."