Ramos áfram í gæsluvarðhaldi

Gæsluvarðhald yfir brasilíska lýtalækninum Hosmany Ramos var framlengt um tvær vikur í héraðsdómi í gær.

Dómstólar hafa framsalsmál hans enn til umfjöllunar. Hæstiréttur felldi úr gildi úrskurð þess efnis að hann skyldi framseldur til Brasilíu og því þarf héraðsdómur að taka málið fyrir að nýju. Það verður gert á föstudag.

Ramos var handtekinn hér í fyrrasumar þegar hann reyndi að komast til Kanada um Ísland á fölsuðu vegabréfi. Hann hefur hlotið þunga dóma í heimalandi sínu, meðal annars fyrir morð og mannrán. - sh