Yfirheyrslum yfir Lýði lokið í bili

Yfirheyrslur á vegum embættis sérstaks saksóknara vegna rannsóknar á málefnum Exista yfir Lýði Guðmundssyni er lokið í bili. Hann var yfirheyrður í húsnæði Ríkislögreglustjóra við Skúlagötu. Gestur Jónsson, lögmaður Lýðs, vildi ekkert tjá sig um málið þegar fréttastofa hafði samband við hann.

Húsleitir fóru fram á tólf stöðum í gær í Reykjavík og London í tengslum við rannsóknina. Embætti sérstaks saksóknara rannsakar fimm atriði, sem öll varða ákvarðanir sem teknar voru af hálfu forsvarsmanna Exista skömmu fyrir og eftir bankahrunið 2008.

Ágúst Guðmundsson, bróðir og viðskiptafélagi Lýðs, hefur verið yfirheyrður hjá embætti sértaks saksóknara á Laugavegi í dag. Eftir því sem fréttastofa kemst næst er enn verið að yfirheyra hann.