Hjörleifur Kvaran víkur sennilega sem forstjóri Orkuveitunnar

Stjórnarformaður Orkuveitu Reykjavíkur lagði til á stjórnarfundi, sem hófst klukkan sjö í kvöld, að Hjörleifur Kvaran viki sem forstjóri Orkuveitunnar.

Samkvæmt heimildum Vísis hefur þetta verið kunnugt innan borgarstjórnar í nokkra daga en borgarfulltrúar sem Vísir ræddi við vildu ekki tjá sig um málið og bentu á stjórn Orkuveitunnar.

Einn borgarfulltrúi sem Vísir ræddi við taldi líklegt að tillagan næði fram að ganga.

Það var Haraldur Flosi Tryggvason sem lagði tillöguna fram.

Samkvæmt mbl.is, þá er gert ráð fyrir því að annar forstjóri verði ráðinn til bráðabirgða en síðan verði staðan auglýst. Ekki náðist í neinn stjórnarmann Orkuveitunnar en þeir sitja enn á fundi.