Enn einn sigurinn hjá Kiel

Kiel vann í dag sinn 26. sigur í röð í þýsku úrvalsdeildinni í handbolta er liðið vann Füchse Berlin í O2-höllinni í þýsku höfuðborginni í dag, 34-25.

Þetta var fyrsti leikur Kiel eftir að Uwe Schwenker, framkvæmdarstjóri félagsins, hætti vegna þeirra mútumála sem hafa sett allt á annan endann í evrópskum handbolta.

Kiel er á toppi deildarinnar með 53 stig af 54 mögulegum og fjórtán stiga forystu á Hamburg sem getur mest náð 57 stigum. Meistaratitillinn er því rétt handan við hornið hjá Alfreði Gíslasyni og lærisveinum hans.