N1-deild kvenna: Topplið Vals rúllaði yfir HK

Valsstúlkur eru enn ósigraðar í N1-deild kvenna en þær unnu fyrirhafnarlítinn stórsigur á HK í dag. Lokatölur 41-22.

Valur á toppnum með 18 stig og hefur ekki enn tapað leik. HK í sjöunda sæti deildarinnar með fimm stig.

Valsstúlkur kláruðu leikinn strax í fyrri hálfleik en þá skoraði HK aðeins sex mörk. Heimastúlkur slökuðu svo á klónni í síðari hálfleik.

Valur-HK 41-22 (24-6)

Mörk Vals: Íris Ásta Pétursdóttir 8, Ágústa Edda Björnsdóttir 6, Katrín Andrésdóttir 5, Rebekka Rut Skúladóttir 4, Soffía Rut Gísladóttir 4, Hranfhildur Skúladóttir 4, Hildigunnur Einarsdóttir 3, Arndís María Erlingsdóttir 3, Elsa Rut Óðinsdóttir 2, Kolbrún Franklín 1, Anna Úrsula Guðmundsdóttir 1.

Mörk HK: Elva Björg Arnardóttir 7, Gerður Ingibjargardóttir 3, Elín Anna Baldursdóttir 3, Líney Rut Guðmundsdóttir 3, Lilja Lind Pálsdóttir 1, Heiðrún Björk erlingsdóttir 1.